¹Hoan xa ǀGapib di sâub ǃnâ ǁan hâ-i ge Hoaǀgaixab di sommi ǃnâ nî hâ.  ²ǁÎ-i ge ǃKhūba nî mîba: Sats ge ti ǁhaiǁhâǃkhai tsî ǁkhui-omts ti Elots, ǁîtsa ta ra ǂgomǃgâtsa.. ³ǁÎb ge satsa aniǃkhō-aob di ǁnoasa xu nî ore tsî ǁōǁōsa ǂhīǁōna xu. ⁴ǁÎb ge ǁgabokha âb ǀkha ra ǃgū-ai tsi, tsî ǁgabokha âb ǃnakats ge nî ǁhaiǁhâ; ǂgomǂgomsasib âb ge ǁkhaukhō tsî a sâuǃkhai. ⁵Tsuxub di ǃhurib xats ge ǃao tide, tamas ka io ǂāb tsēa ra ǁkhâuheb xa. ⁶Tsûtsû-ais tsuxuba ra ǃgûmas tamas ka io tsēǃgâǁaeb ai ra hîkākās xa. ⁷Sa xōǀkhān ga ǀoadisina ǁnā tsî sa amǀkhāb ai disiǀoadisina, xawen ge sa ǀgūse hā tide. ⁸Sa mûra ǀkha ǀguits ge kō tsî ǂkhaba khoen di mādawa-amsa nî mû. ⁹Sats ǃKhūts ge a ti ǁhaiǁhâǃkhai.Hoan xa ǀGapibats ge sa ǁanǃkhaise ge dī, ¹⁰tsî i ge tsū-i xare-e hāǂam tsi tide, ǁkhāti tsûtsû-ai-i xare-i ge sa tentomsa ǀgū tide. ¹¹ǁÎb ge ǀhomǃgān âba nî mîmā în sa ǃgûdaogu hoagu ai ǃûi tsi. ¹²ǁÎgu ge ǃomgu ai nî tani tsi ǂais âtsats ǀui-i ai ǃnom tidese. ¹³Xamn tsî ǀaon aits ge nî dā; ǂkham xamn tsî ǀaonats ge nî dāǂkhū.  ¹⁴Titab ǀnam xui-ao ta ge ǁîba nî huiǂui; ti ǀonsab ǂan xui-ao ta ge ǁîba nî sâu. ¹⁵Titab ga ǂgaiǀî o ta ge ǁîba nî ǁnâu-am, ǂōǂōsib ǁaeb ǃnâ. Tita ge ǁîba huiǂui tsî ǃgôasiba nî mā. ¹⁶Tita ge ǁîba gaxu ûiǁaeb ǀkha nî ǁâǁâ tsî ta ge ǁîba ti ǃgâiǃōsiba nî ǁgau” (Psalmdi 91:1-16 KKG20).

 

⁹ǀGai, î ǁkhoaǂgaoxa, ti ta ge ra mîmā tsi. Tā ǃao tamas ka io ǂkhabuǂâi, tita ǃKhūta sa Elota ǃgûts ka ǃkhai-i hoa-i ai sats ǀkha hâ xuige.” (Josuab 1:9 KKG20).  ¹³ǀNî ǃâitsâ-i ge sado hāǂam tama hâ, khoesi ǃâitsâ-i ǀgui-i ose, xawe Elob ge a ǂgomǂgomsa tsî sadu nî ǁkhā du as ǂamai ǃâitsâhe ǃkhaisa mā-am tide. Nē ǃâitsâs ǀkhab ge ǁkhāti mâǃkharus di ǀgaiba nî mā du tsî ǁnāti huiba nî mā (1 Korinteǁîn 10:13 KKG20). 

 

¹¹Hoaraga ǁâtanin Elob ge mā dun ǁgâuab di ǀhôagao ǀapede du a mâǃoa-ū ǁkhāna ǂgaeǂgā. ¹²Sada ge khoesi khākhoen ǃoagu ǃkham tama hâ, xawe danaǂgaeǂgui-aogu tsî ǁkhāsigu, nē ǃkhae ǁaeb di ǃhūbaisi ǂgaeǂgui-aogu tsî ǀhomsi ǃkhaidi ǃnâ hâ ǂkhabab di gagasi ǀgaigu tsîn ǃoagu. ¹³ǁNā-amaga, hoaraga ǁâtanin Elob dina ǂgaeǂgā, ǂkhaba tsēdi ga hā, o du nî khākhoeb di ǀhôagao ǀapede ǃkhamǃoa ǁkhāse; tsî ǃkhamtoas khaoǃgâ mâǁapo. ¹⁴ǁNā-amaga ǂhomisen hâse mâ, sadu kamanab ǃgae-ūdasa amab ǀkha tsî sadu ǁkhaiǁkhausaraba ǂhanu-aisib ǀkha ǃgae hâse, ¹⁵îs sadu ǁharode ǂgaeǂgāsa, ǁaposasib ǂkhîb di ǃGâiǂhôas aoǁnâs ase ī. ¹⁶As sadu ǂgomsa hoaǁae ǁkhaukhōs ase ī, ǁîs ǀkha du hoaraga ǀaexa ǂāgu, ǁnāb hîa a ǂKhabab xa ra ǁhâihega nî ǁkhauǀarise. ¹⁷Sadu toroǀgapasa ǃgâiǃōsib di mās ase tsî gôab hîa a Elob di mîsa, Gagab di mās ase ūǃoa  (Efeseǁîn 6:11-17 KKG20).

 

Elob di ǀgapi mûǂams mâsigu ǂamas ge ǃnorasasib tsî ǁaposasiba ra hā-ū. Elob ge ǂâidi tsî sîsenxasigu khoen diga ra ǂgaeǂgui, ǁÎb ǂâibasensa nî dīǀoaǀoase. Mâtikōseb ga sada di nēsikamǁaeba a ǀhūǀhūsa xawe da ge ǃâubasensa Elob ǃnâ ūhâ. ǁÎb xūn ge a ǀamo. ǁÎb khoen ûigu ǃnâ a sîsen ǁkhā ǃkhaisa da ge nî ǂgom, nēsi-i ga ǁî-e gao-aos kas, tamas ka io ǃhaokhoe ǃhao ǃhūb ǃnâs kas hoasa.

 

³Xawe ǃKhūb ge a ǂgomǂgomsa, sado ǀgaiǀgai tsî ǂKhababa xu nî ǃûiba (2 Tesalonikaǁîn 3:3 KKG20). ⁸“ǁNā ǁaeb ai da ge Amorǁîn gao-aokha ǃhūb, Jordanǃāb aiǂoasǀkhāb ai ǁgoeb, Arnonǃāba xu Hermonǃhommi kōse ra sība ge ǁkhâuǁnâ  (Deuteronomiums 31:8 KKG20). ¹⁰Xoahe hâ xui-ao: ‘ǁÎb ge ǀhomǃgāgu âba sats ǃaroma nî mîmā, sâu tsi gu nîsa.’ (Lukab 4:10 KKG20). ⁷ǃKhūb ge satsa ǂkhabab hoaba xu nî sâu ǁîb ge sa ûiba nî sâu. ⁸ǃKhūb ge sa ǂgâs tsî sa ǂoasa nîra sâu, nēsisa xu ǀamosib kōse (Psalmdi 121:7–8 KKG20).

 

¹⁹ǁNā-amagan ge huriǂoas dina ǃKhūb ǀonsa nî ǃaoǃgâ tsîn ge aiǂoas dina ǁîb ǂkhaisiba nî ǃao. ǁÎb ge ǀgaisase ra dâu ǃāb, ǃKhūb di ǂoab xa ra sîheb khami nî hā.  (Jesajab 59:19 KKG20). ¹⁷Sas ǃoagu ra kuruhe ǁâtani-i hoa-i ge ǃgâiǃgâ tide; tsî ǀgoraǃgâs ǃaroma sas ǃoagu ra khâimâ, nams hoasa ǂhumib ase nî ǃgapaǀî. Nēs ge ǃKhūb ǃgān ǀumisa tsî ǁîn di oresa tita xu,” tib ge ǃKhūba ra mî (Jesajab 54:17 KKG20). 

 

⁴ǃGam ǃkhaenab ǃnâ ta ga ǃgû, xawe ta xū-i xare-e ǃao tide, sats tita ǀkha hâ xui-ao. Sa ǁgâibasenhaib tsî sa ǃhôas tsîra ge ra ǁkhaeǂgao te.  (Psalmdi 23:4 KKG20). ⁴Khoen tita ǁguiba hâ ǁnoasa xu ūǂui te re, ti sâuǃkhaits a amaga  (Psalmdi 31:4 KKG20). ⁸ǂHanu-ain di daobab ge ǃûi tsî ǁîb ǃnâ a ǂgomǂgomsana ra ǁkhauba. (ǂKhoamîdi 2:8 KKG20).  

 

⁹ǃKhūb ge ǁgâiǀāhe rana ǁhaiǁhâǃkhaise ība; sâuǃkhaise ǁnān ǂōǂōsib ǃnâ hâna. ¹⁰ǃKhūtse ǁnān sa ǀonsa ǂann ge sats ǃnâ ǂgomǃgâba ūhâ; tsîts ge satsa ra ôana ǁnāǃgâ tama hâ. (Psalmdi 9:9-10 KKG20).  ¹⁸Nē ǁaeb di tsâgu ǃgoaxa ǂkhaisib hîa nî ǂkhaiǂkhaiheb ǀkha a ǀgopeǀnōheǁoasa ǃkhaisa ta ge a ǂan (Romeǁîn 8:18 KKG20).  

 

¹¹⁴Sats ge ti gauǃkhai tsî a ǁkhaukhō sa mîs ai ta ra ǃâubasen xui-ao  (Psalmdi 119:114 KKG20).  ¹¹Xawen ge hoan hîa sats ǃoa ra ǁhaiǁhâna, dâxase ǁnae tsî nî ǃgâiaǂgao. ǁNān hîa ǀnam tsina sâu, în sa ǀons ǃnâ ǃgâiaǂgao re  (Psalmdi 5:11 KKG20). 

 

¹⁰ǃHaoso ǁnâu re ǃKhūb di mîsa, ǁîsa ǂanǂan ǃnūse ǁgoe huri-amǃhūgu ǃnâ, î mî, ‘ǁNāb Israelsa ge ǀgaruǀgarub ge ǁîsa nî ǀhaoǀhao, tsî ǁîsa gūǃûi-aob ra gūn âba ǃûi khami nî ǃûi.’ (Jeremiab 31:10 KKG20).

 

¹ǃKhūb ai ra ǂgomaiǂnûin ge Sionǃhommi khami ī,tātsē ǁnobe tama tsî ǀamose ǁaposase mâba. ²Jerusalems ǃhomgu xa ǃnamiǂgāhe hâ khami, ǁnātib ge ǃKhūba ǁîb ǁaesa ǃnamiǂgā hâ, nēsisa xu ǀamos kōse. ³Eloxoresan di ǀkharub ge ǂhanu-ain di ǀumi-amǃnâs ai hâhâ tide, în ǂhanu-aina tā ǁîn ǃomga ǂhanuoǃnâsib ǃoa ǀhōǂui. ⁴ǃKhūb ge ǃgâina ra ǃgâidība ǁnān ǂgaogu ân ǃnâ ǂhauǃnâna. ⁵ǁNān hîa ǁîn di gama daoguǀî ra ǂgōn, ǁînab ge ǃKhūba ǂkhabadī-aon ǀkha nî dībē. ǂKhîba ab Israeli ǂama hâ re! (Psalmdi 125:1-5 KKG20).​​​